Lehkhathawn

To,
The Secretary,
Kristian Thalai Pawl,
Durtlang Branch.

Rawngbawlpui duhtak,

Kan Lalpa Isua Krista hmingin chibai ka buk a che. Durtlang Branch KTP rawngbawlna in hma asawn zel ka beiseiin, ka duhsakna ka hlan a. Min lo tawngtai pui fo thin tih ka hriatin, lawmthu ka sawi nghal bawk e.

He lama rawngbawlna ki hrang hrangte pawh harsatna liantham awm lovin tluang takin a kal thei zel a, ringtharte pawh Pathian khawngaihna a zarah kan la neih belh zel bawk. Tin, kumin a Tripura Field Presbytery Inkhawmpui-ah hian Tuidu kohhran zaipawlte chuan Pathian chawimawina’n ‘Tuihna thar’ tih hla Kaipeng tawnga lehlin chu sak kan tum a, kan inbuatsaih nasa ve hle. Zaipawl member-te hi Branch thalai member zawng zawng kan ni nghal mai thin a, tawngtaipui kan ngai khawp mai.

Kumin atan Branch TPYF (KTP)- in kan project ‘Sound Box lian” (Rs. 6000/- man vel) chu kan lei ve thei ta a, kan lawm hle. Tin, Kohhran dang pathum tal tlawh turin hma kan la bawk a, Bial TPYF pawhin kumin chhung ngeiin ‘Vaikhuang hmaithum nei chi” neih tumin hma kan la ve bawk. Hetih laiin Branch TPYF-a kan member tam zawk-te hi kan Mission School-a zirlaite an nih thin avangin, inpawh taka thawhho a harsa thin a. Chu bakah Class X an pass-in hmundang ah an kal a lo ngai tawh thin a, member kan pung mawh hle. Duh ang leh beisei angin hmasawn a harsa fo thin. Engpawhnise, kan thlen chin atanga hma kan sawn zel theih nan in tawngtaipui tawn zel ang u.

In rawngbawlna Lalpa’n malsawm zel rawh se.

In rawngbawlpui

Sd/-

R.Lalhruaitluanga
Evan.Teacher
Tuidu, South Tripura.
Dated 25th Sept.07

(He lehkha thawn hi report ngaihnawm tak a tel avangin kohhran mi tamzawk in hriat atan kan it em em a, KTP Branch Committee phalna in KTP Inleng ah hian kan han tarlang a ni. Tv. R.Lalhruaitluanga hi Pu Lalthuamkunga fapa niin, kan Branch member nilai mek a ni bawk.)