Lawrkhawm

Group News
Hagaia Group te chuan sumtuak nan Dt. 3.10.2007 khan Sangha an zuar a, member pawh an thawkchhuak tha thawkhat hle. An sangha zawrhte tlawmngaih chhuaha lo dawr tute zawng zawng chungah KTP Hagaia Group te chuan lawmthu an sawi tak meuh meuh a ni.

Zephania Group te pawhin karleh lamah hian sumtuak nan Vawksa rep zawrh an tum a, sarep hi Kg 1 Rs 130/- a zawrh tum a ni. Kohhran mi zawng zawngte tlawmngaia lo dawr turin KTP Zephania Group te chuan min ngen lawk a ni.

Branch Hnatlang
Dt 9.10.2007 (Thawhleh) zan hian Branch sum tuakna kal mek, Pi Chalmawii Kawnveng Motor dahna hmun kan laih kha chhunzawm tur a ni a. Tunlaiah chhun lam hun a uihawm tawh em avang in, zan lamah khua in a zir chho tawh turah ngaiin zanlam hnatlang hi ruahman a ni. Member te a tam thei ang ber thawkchhuak thei turin mahni hnatul pawh lo insiamrem theuh i la. Khua in a zirlo chhunzawm a nih chuan thulh tur a ni thung ang.

Joint Meet
Naktuk Dt 7.10.2007 ah Durtlang Bial leh Leitan Bial te Joint meet neih tur a nih kha. He meet a kal tur hian member zawng zawng kan insawm a, Zing dar 9:15 ah Mualveng atangin Bus akal dawn a, mahni remchan dan angin Dawrkawn-ah leh Mel - 5 ah te lo chan mai tur a ni e. Bus fare kal lam leh haw lam atan Rs 5 khawn a ni ang.

Beirual - ah Thalaite kal thalo
Kumin Beihrual kan hman zawh tak thlirletna hun Dt 29.9.2007 (Inrinni) zan a kan neih ah khan Bial hrang hrang atanga Report petu-te chuan an bial theuhah Thalai lam an lan that loh thu an sawi vek mai a. Kha kha KTP memberte tan chuan chona lian tak a ni. Kohhran Programe tih hlawhtlin kawng ah hian thahnem kan ngaih deuh deuh a pawimawh hle mai.

Tan lak tul
A hnuaia kan tarlan Pathian ram thilpek hi han bih vang vang i la, Ip lutlo a va tam em. Kohhran mite kan tan zel a pawimawh khawp mai. Kan Kohhran Centenary kan hnaih tial tial a, sum leh pai lamah pawh tan a na tial tial bawk. Kohhran intinte hian kan Pathian ram thilpek hi theh luh kim hram i tum thin ang u.

Inkhawmah tanlak tul hle
Beirual kan zova, KTP, Kohhran hmeichhia-te leh Hnamdang-te pawhin kan dan pangngai angin keimahni puala inkhawm kan hmang tan leh ta a, hetiang hunah hian inkhawm hi zuih lam pan mai a awl thin a, tan kan lak sauh sauh a pawimawh hle a ni.

Tin, inkhawmna ah hian tawng ser ser, nui var var, thil eng emaw thial reng mai, a changa Khaini/sahdah rim a nam tak vung vung chang a awm ta fo mai te hi, kohhran mi zawng zawng kan tanrual a hun tak meuh meuh a ni. Pathian Biak In kan zahna leh vawnthianghlimna hi a tlahniam lutuk palh ang e. Chu chuan thangthar lola awm zel tur te nunah thil thalo tak a tuh mai ang tih pawh a hlauhawm e.

September Pathian Ram Thilpek
Pathian Ram
- Rs 1,97,137.00
Ramthar
- Rs 1,39,761.00
Tualchhung
- Rs 1,45,937.00
Centenary
- Rs 22,845.00
Missionary
- Rs 37,000.00
Buhtham
- Rs 29,520.00
Total
- Rs 5,72,200.00
Ip lut
- 429
Ip lut lo
- 134