Editorial

Kumthar thutiam

Kum 2007 kum a thar veleh khan nangmahin a i tih puitlin tur thutiam i nei em le? Kum a lo thar veleh hian hnam changkang ho chuan kha kum chhunga tihhhlawhtlin an tum ngei ngei tur thutiam an nei thin. Chu an thutiam chu tih hlawhtlin tumin theihtawp an chhuah ngei bawk thin a ni.

An intiamna ang ngei chuan an ti hlawhtling ngei thin a, an hlawhtling chiah lo a nih pawhin, a zahve aia tam chu an ti puitling hman tho tho thin. Mizote hian kan la ching vaklo nachung in, an awm ve tan tawh a ni.

Kumin kumtir ah khan mahni theuh han in ngaihtuah i la, thutiam tihhhlawhtlin ngei n gei tur kan siam ve em le? Kan la siam ngailo a nih chuan kumtawp lam kan hmang tan ta der mai a, Nakum, 2008 atan hian thutiam i nei ngam tawh ang em? Chutiang ngaihtuahna atan chuan la hma deuh a kan hria a nih chuan felfai taka duhthlan theihna hun kan la ngah ting tihna a ni mai lawm ni?

A nih loh leh kumin 2007 kumthar tir a thutiam neite khan mahni han in thlirlet theuh i la, kha kan thutiam tihpuitlinna kawngah khan engchen a thui nge kan kal tawh le? Kal tur kan la ngah viau a nih chuan tih tur tamtak kan la nei tihna a ni nghal a. A nih lohleh, a chanve aia tam zo tawh kan ni em, chu pawh chu nise hmabak a va la tam tho ve. Kumtawp lam kan chuangkai a ni tawh si a.

Khaile, kumthar thutiam la nei ngai lo pawhin nakum 2008 atang chuan neih theuh tum i la. Kumin-a thutiam nei la ti hlawhtling mumallo te pawh in tih hlawhtlin ngei tumin tan la thar leh i la. Engemaw zat ti hlawhtling tawh mah ila, hmabak la nei nual te pawh in felfai taka kan hlen chhuah theih ngeina turin tan la i la. Tisa leh thlarau a kan hlawkna tur kawng a ni ngei ang.