Lawrkhawm

Hosea Group te chuan sumtuak nan karleh lam khian Pickle zawrh an tum a. Member-te Group hruaitute’n an koh khawm hun hunah thahnemngai taka thawk chhuak turin min ngen lawk a ni.Kohhran mite pawh tlawmngaih chhuah a lo lei sak turin min ngen bawk.

Mika Group te pawhin Dt.15.10.2007 ( Thawhtanni) khian Bawngsa Pickle zuarin hnatlang an nei dawn a. Member zawng zawngte hemi tlai Dar 3.00 ah Kohhran Choka-ah hnatlang turin kalkhawm vek turin Group hruaitute’n min ngen a ni. Thahnemngaitakin thawkchhuak vek i la. Kohhhran chhungkua-te pawh tlawmngai tak a lo leisak vek turin min ngen bawk a ni.

Branch Hnatlang
Dt 9.10.2007 ( Thawhleh) zan khan Branch sum tuakna kal mek, Pi Chalmawii Kawnveng Motor dahna hmun kan laih mek chu laih chhunzawm a ni a. Member 26 vel an hnatlang a ni. Zan Dar 11 velah hnatlang hi an bang a. A thawkchhuakte hi chu an hah hle a ni.Tunah hian la laih zawh loh a nih avangin hun remchang hmasa berah hnatlang hi koh leh tum a ni a, memberte lo inkau lawk i la a tha ang.

Bass Guitar Thar
Branch Committee in a lo pass tawh angin Bass Guitar thar Samick (Made in Indonesia) Rs. 11,000/- man chu lei fel a ni ta a. Hetiang hmanraw tha tak kan nei thei hi member zawng zawng te thahnem ngaihna vang liau liau a ni. Tin, tlawmngaia Kolkata atanga min rawn leisaktu leh rawn hawntu Tv. Lalrindika Sailo chungah lawmthu kan sawi bawk e.

Zai Hruaitu Tranning
Kumin chhunga kan Biak in zai hruaitu zawng zawng te chuan tun thla chhung remchang hmasa berah hian Convener ho in Solfa zirna hun leh zai hruai dan training an hmang dawn a ni.

Generator dahna
Kohhran in Generator kan lei chu a dahna tur tak la ruahman fel a ni lo a, October thla Kohhran committee chuan tuna Biak In hmazawn taka kan sak mek monument dahna tur hnuai chiahah hian dah turin ruahmanna a siam fel ta. A dahna tur hmun hi tun maiah chuan hman theih a la ni dawn lova, siamrem a, him tawk tak tura sak pum leh phawt a ngai dawn a ni.

Biak In Sound
Kan Sound tih changtlun nan Biak In a hman turin Kohhran Committee chuan Booster thar lei nise a ti a. Tuna kan hmanlai hi a hlui deuh tawh avang leh kan sound mamawh zat watts duh ang a pek chhuah theih tawh loh avangin a thar tha tak lei a ni dawn a, Light & Sound Sub Committee kutah awmin, karleh lamah chuan hman nghal theih turin hma an la mek a ni.

Joint Meet thlirletna
Ruahman angin KTP Durtlang Bial leh Leitan Bial Joint Meet chu Leitan Kohhran Biak In ah Dt. 7.10.2007 khan hman zawh a ni ta. He meet hi Bial KTP Conference ve ve in,a lo pass tawh a nih avangin KTP member-te pawh in kan hlut thawkhat niin a lang. Chawlhni chawhma ah hian Upa. Ramfangzauva Royte, Leader Durtlang Bial hnen atangin ‘Kristian Chhungkua’ tih thupui kan ngaithla a, Chawhnu lamah Tv.C.Lalvuana, Leader Leitan Bial hnen atangin ‘Hmangaihna’ tih thupui kan ngaithla a, zanlam ahPu.C.Lalthantluanga Asst.Ldr.CKTP hnen atangin KTP Kumpuan chungchang leh HIV/AIDS chungchang kan ngaithla bawk. He meet hi a hlawhtling thawkhat hle.