Editorial

Kan hlen tha em?
Kum 2007 kum tawp lam kan lo thleng leh ta reng mai. October thla a lo ni a, khua pawh a vawt leh tan ta vur mai. October thla a lo thlen a rilru ngaihtuahna a lo lang thin chu kumtawp hi a ni fo awm e. Kumin kumbul lamah khan kum 2007 chhunga kan hma hun lo kaltur a kan hmachhawp, chhungkua emaw, mimal emaw pawh nise, mi fing tan chuan thlirkir a, kan hmasawnna leh hmasawnlohna te pawh ngun taka thlir a, a thalo lai siamtha tur a theihtawp chhuah a hun khawp mai.


KTP te pawh hi inbih chiang teh ang u hmiang. Group hruaitute, Committee member-te, member-te pawh in kan Group in kumin chhung atana kan tihtur bituk kan hlen tha thei dawn em? khawilaiah hian nge tan lak a la ngaih, engtin nge hen chhuak tura member-te ka kaihhruai ang, engtinnge kan hruaitute kut tha tichak tura ka thawh ve ang tihte pawh kan ngaihtuah a hun ta khawp mai. Kan Group Budget te pawh hi a tlin theilo Group kan ni mai ang tih pawh a hlauhawm ru viau thei a nia.

Branch hruaitute leh Committee member-te pawhin hei tho hi kan ngaihtuah tur a nih hmel hle mai. Branch pumpui thawhhona ah engnge tlakchham kan neih. Khawilai nge felhlel awm, khawilai hi nge thawmphui tur ni a, memberte’n thahnemngai leh phur taka min zui theihna turin enge ka tih tur la awm ang? tih te pawh kan ngaihtuah a hun khawp mai.

Chutilo zawng kan kal bek bek anga, kum alo tawp ang a, kan hma a tihtur awm te hlenchhuah loh nei nuaih chung a kum thar kan chuangkai a nih chuan a zia lo ngawt ang le. Hruaitu kan nihna leh member kan nihna kawngah pawh kan tling lo hle tihna a ni ngei ang. Mimal tinte in enlet theuh ang u le.