A hun : 8.11.2007
A hmun : Kohhran Hall
1. Jeriko Khual Buk-ah zan khat hun hmangin programme neih ni se. A hun atan 30.11.07 (Zirtawp) zan a ni ang. Kalna tur Bus pakhat hire nise. Programme kimchang chu Jeriko khual Buk lam nen in be tlangin O.B ten lo bawhzui se kan ti a, Jeriko Khualbukah hian Rs 1000/- leh thu ziak mawi tak hlan nise.
2. 2008- Branch hruaitu thlan ni 10.12.2007(Monday) zanah neih a ni ang. Mi 6 thlang chhuak in chung thlan chhuah te chuan chanvo an insiam rem ang. Inthlanpui turin Pastor R. Ramnghinglova, Upa R. Laltluanga, Upa, C. Vanlalzama leh Upa Lalbiakkima te an ni ang. Kum 2008 hruaitu tur te hi 2007 chhunga KTP member te chauh in thlan tur a ni ang.
3. Kum 2008 atan Group 6-ah in then leh in Group member pawh kumin a kan kal ang hian kal chhunzawm leh nise. Group hming atan pawh angai hi hman chhunzawm tur a ni ang. Group hruaitu tur te chu kum 2008 atana Branch O.B thlan chhuah ten atul angin an ruat ang. Kum 2008 member tur hi Branch Committee member ten Bial insem in, intin kal chhuaka zawn nise. Branch Secretary in a zawn na tur form lo siamin, December 15, 2007 ral hmain member list Branch secretary hnenah thehluh leh theuh tur a ni.
4. Krismas Programme :
1) Kumin hian Advance Christmas hman loh mai nise.
2) Dec. 24, 2007 (Urlawk zan) zan hi KTP puala hman kan duh thu Kohhran Committee-ah thlen nise.
3) Last Friday Nite kan hman thin hi kuminah chuan a hranpa a hmang lovin, Dec 31. 2007 zanah programme kan hman thin dan pangngai ang thoin hman tum nise, Kohhran Committee-ah dil nise kan ti.
4) December 1, 2007 (Inrinni) ah nileng hnatlangin Biak-In leh avel chei nise. Branch sum atangin mamawh zualpui lei nan Rs. 1500/- hman tur a ni ang.
5. Chiahpui Branch KTP ten 23-25,November 2007 chhunga Durtlang Branch KTP te min rawn tlawh huna programme kimchang ruahman a ni. (Remchangah Programme hi kan rawn tarlang ang). Chiahpui Branch te hi thuziak mawitak a frame leh Rs.2000/- pek nise kan ti.
6. Kum 2007 Bial project Rs 15,000/- pek tura tih a ni.
7. Dt. 3.12.2007 (Monday) zana Selesih Kohhran Hall-a Bial huap Advance Christmas hman turah kan Branch atangin hetiang hian chanvo siam a ni.
1) Drama - Literature Sub-Committee kutah
2) Solo - Tv. Lallawmkima
3) Instrumental Music - Tv. Samuel Lalzahawma leh a thiante
4) Sound and Musical Instrument -Light and Sound Committee kutah.
5) Zai hruai tur - Pu Lalnunchama
Programme kim chang chu remchangah kan la rawn tarlang ang.
Sunday, November 11, 2007
November thla Branch Committee thurel tlangpui
Editorial
Kohhran Inkhawm zai
Kan kohhran Pathian biak inkhawm a lo nawm lehzual theihna atana kan kohhran zai hruaitute leh kohhran committee lam atanga mawhphurtu-te thahnemngaihna avang leh inpekna avangte pawh a ni ang a, kan kohhran biak in zaiho pawh in hma a sawnin, kohhran mipuite tan pawh zai a nuam thin khawpmai. Zai hruaitute leh a enkawltute inpekna a ropui a, fak an phu a ni. Tha thlah miah lo in han tang zual zel sela, Krismas vuakvet lai pawhin hetiang ang kan nih reng theih na turin tan han la zel bawk teh se.
Chutih rual chuan hmasawnna tur erawh kan la nei in a lang. A bikin Lengkhawmzai ah hian tan leh zual a, inzirtir pawh a ngai hial awm e. Lengkhawmzai ah hian thalai lam zai hruaitute hian kan senior-te kian mai lo hian, mahni inrintawkna nen hla te pawh hi lak ngam ahun ve tawh lawm ni?( Kan senior ten ngaihloh lamah lo ngailo se). A Key tawk kan hre mai lo a nih pawhin kan Keyboardist te nen tangrualin a key tawk awm te hi hlabu lamah hian chhinchhiah ni ta se, kan harsatna thenkhat hi chu a kiang ngei ang. Tin, lengkhawm hla kan sa dawn a nih pawhin keybordist te hian a key rawn pe nghal mai thei turin a insiamrem theih niin a lang. Lengkhawm zai kan han sa a, kan sak laiin keyboard tumtuin a key mil tur a rawn zawng a, zai lawklawh lai taka a rawn ri tang tang mai thin hi chu a kohhran pui zia lo deuh tawh em a tih theih. A tul anih chuan Keyboard in key a pek mila lak dan te pawh hi inzirtir hial nise a tha tawh zawk lawng maw? Hmasawn zel tur kan ni a, hote anga lang si, kan hmasawn tulna langsar tak a ni awm e. Han tang zual zel teh se.
Lawrkhawm
Fellowship
Dt.11.11.07 (Sunday) tlai KTP fellowhip chu Women’s Polytechnic-ah neih a ni dawn a, hemi a kalna turin Branch Committee chuan Bus a hire dawn a, chawhnu inkhawm banah Biak in kawt atangin a chhuak ang. Member atam thei ang kal tum ila.
Account Report (upto October, 2007)
September Balance
- Rs.82,037.95
October Receipt
- Rs.15,794.00
Total
- Rs.97,831.95
October Expenditure
- Rs.20,633.00
Closing Balance
- Rs.77,198.95
Closing Balance detail.
(a) RD
- Rs.25,500.00
(b)Bank Account
- Rs.10,131.00
(c)Cash in hand
- Rs.41,567.95
Group hrang hrangte budget kan neihah tan lak a tul hle a, Branch leh Group pawhin budget kan tuakna ber Faith promise chungchangah a khawntute pawhin tan in la thar leh teh ang u.
Branch Hnatlang
Vawiin Dt. 10.11.07 hian Branch sumtuakna kal lai Pi Chalmawii Garage kan laih mek chu laih chhunzawm leh a ni a, member kan thawkchhuak tha thawkhat hle. A lawmawm e.
Synod News
Kristian Chhungkua Cunsultation
Kum 2006 Synod Inkhawmpuiin, ‘Rampum huapa Kristian Chhungkua beihpui thlak’ a rel bawhzui zelna atan. November 10 (Inrinni) hian Zarkawt kohhran Hall-ah Consultation neih a ni.
Gospel Singers Spiritual Retreat
Central KTP buatsaih in 9.11.2007 (Zirtawpni) khan Chaltlang Kohhran-ah Retreat hi neih a ni a, Speaker atan Rev. L.H. Rawse-a Lecturer ATC hman a ni. Chaltlang kohhran hian akal zawng zawng te tan zanriah a buatsaih sak bawk. Kan zaithiam ten hlawkpui an in ti hle.
Keimahni
Kan Circulation Manager Tv.Lalrimawia chuan Mohun Bagan Football Academy lamah Football zir tur in Dt.5.11.2007 (Thawhtanni)) khan kum hnih chuang awm turin min liamsan ta. Amah kan ui rualin hetiang ang mi kan nei hi Inleng Editorial Board-te kan lawm em em a. Duhsakna sangber kan hlan a ni.I tawngtaipui thin ang u.
Tunkar ah kan chanchinbu phek khat in kan tichhuak thei tawk a, KTP Programme leh khawtlang centenary thilah Editorial Board lam kan buai em vang a ni a, chhiartu te in hriatthiamna kan ngen a ni.
Advertisement
Presbyterian School, Durtlang (English Medium) a thawk turin zirtirtu pakhat mamawh a ni a. English thiam tak, Pathian tih mi, ruitheih thila fihlim, Kohhran dan zawh kim, rawngbawlnaa ngai a, thahnem ngai taka thawk thei tur tan 3rd December 2007 (Mon) thleng Kohhran lehkha leh thiamna Certificate (attested) thil telin Principal Presbyterian School Durtlang hnenah dilna theh luh theih a ni.
Date of written test and Interview :
4th Dec.2007 (Tue)10:00 AM
Place of written test and Interview :
Durtlang Kohhran Centenary Hall
Subject of written test :
English and Mathematics (50 marks each)
Education Qualification :
HSSLC and Above
Saturday, October 20, 2007
Aizawl Hmar Presbytery Inkhawmpui tluang taka zawh a ni
Aizawl Hmar Presbytery Vawi 29-na chu Dt. 11-14 October 2007 chhung khan Zuangtui Kohhran Biak In ah tluang taka hman zawh a ni ta. He khawmpui ah hian Thlarau lam thupui “Ringtu nun - Tawngtaina” (I Thes 5:17) tih a ni.
Khawmpui thlengtu, Zuangtui Kohhran hi Dt.14.11.1982 khan Bialtu Pastor Lalchama’n a hawng a, kum 1986 January Ni 19 khan Kohhran puitlingah hlankai a ni a. Tuna khawmpui hmanna Biak In hi Dt.15.4.1983 Zirtawpni zing dar 11:30 ah Bialtu Pastor Lalchama’n lungphum a phum bawk a ni. Tunah hian Kohhran member 1346 awmin, dan zawhkim member 906 an ni mek bawk. He khawmpui thleng tura an inbuatsaihna hi a ropui hle a, biakin hmunhma in a lo zir bawk nen, engkim mai a felfai in, sawisel tur a vang hle.
Khawmpui thurel pawimawh deuh deuhte lo tarlang i la:-
1. “Synod Mission Board hian Direct Evangelism lamah tun aia nasa zawk a tan a lak theih nan, Budget tam zawk dah ni rawh se” tih Bawngkawn Bial atanga lut chu Synod hmalak mekna a nih thuin hrilhfiah a ni.
2. “Presbyterian School zawng zawng hi Exam Question Paper, Synod in siamsak rawh se” tih thu Durtlang Bial atanga lut chu Synod hmalak mek na a nih thu in hrilhfiah a ni.
3. “Synod Inkhawmpuiah hian Palai nisa tihtlem ni rawh se” tih Zemabawk Bial atanga lo lut chu, ‘Synod ah kal zel rawh se’ tih a ni.
4. “Tul bik thilah Hmeichhe Ordination neih theih dan kawng zawn ni rawh se” tih thu Leitan Bial atanga lo lut chu ‘Kan sawihona hi a tawk e’ tih a ni.
5. “MSSU- in Award a siam thin hi tun aia changkang zawka siam ni rawh se” tih thu Thuampui Bial atanga lo lut chu ‘MSSU ah thlen ni se’ tih a ni.
6. “Inneih Registration Fee hi tihtawp ni rawh se” tih thu Durtlang Bial atanga lo lut chu ‘kan sawihona hi a tawk e’ tih a ni.
7. “Regional Assembly neih dan tur kawng zawngtu Commission din ni rawh se” tih Leitan Bial atanga lo lut chu ‘Kan sawihona hi a tawk e’ tih a ni.
8. “Field Pastor (Native Pastor-te) leh Pro.Pastor-te Mizorama an thawh chhungin Special Allowance pek ni rawh se” tih thu Bawngkawn Bial atanga lo lut chu ‘Synod-ah kal zel rawh se’ tih a ni.
9. “Presbytery Finance Committee Member-ah hian Bialtu Pastor telh ve ni rawh se” tih thu Zemabawk Bial atanga lo lut chu ‘Bialtu Pastor leh member pathum thlan hi kan Presbytery kalphung ni rawh se’ ti a siamrem a pawm a ni.
10. “Synod Literature & Publication Board kalphung enthat ni rawh se” tih thu Leitan Bial atanga lolut chu Synod hmalak mekna a nih thu in hrilhfiah a ni.
11. Mizoram Synod hian Mizorama Nepali/Gorkhali-te zinga rawngbawlna beihpui thlak dan kawng zawng rawh se” tih thu Bawngkawn Bial atanga lolut chu ‘Synod Mission Board-ah thlen ni rawh se’ tih a ni.
12. “Non Mizo Evangelist-te lawmman tihsan dan kawng zawn ni rawh se” tih thu Bawngkawn Bial atanga lo lut chu ‘Rawtna awm mek’ a nih thuin hrilhfiah a ni.
13. Kan Synod-in Partnership-a Misionary kan tirhchhuahte hi an Service tih chian ni rawh se” tih thu Leitan Bial atanga lo lut chu Synod in a kalpui mek a nih thu in hrilhfiah a ni.
Khawmpui-ah hian Kohhran Upa pahnih Dr.K.Lalrintluanga,Durtlang Kohhran leh Pu.C.Lalbiakmawia, Thuampui Kohhran te nemngheh an ni a, Kohhran Upa thlan diltu Kohhran 10 awm in, Kohhran Upa hi avaiin 37 thlan tur a remtih a ni. Tin, Kum 2008 Synod Khawmpuia nemngheh turin Pro.Pastor Surendra Bahadur Gurung, Leitan Bial Pro.Pastor chu Presbytery in Synod ah dilsak tur a tih a ni bawk a ni. Kumin ah hian Pro.Pastor hna dil mi 9 kan Presbytery hian kan nei a, kan Kohhran atangin heng mite:- Tv.C.Lalruatkima BD s/o C.Lalbiakmawia, Tv.R.Lalfakawma BD s/o Rev.R.Thangvunga, Tv. Albert Kawldingliana BD s/o R.Thanchunga te an tel a. An zavaiin Presbytery in Synod khawmpuiah a dilsak vek dawn a ni. Kumin Presbytery-ah hian Kohhran Upa Chatuan ram min pansan ta, mi panga(5) sunna neih a ni bawk. Presbytery khawmpui boruak a nuam thawkhat hle a, zai pawh kan tui thei khawp mai.
Kumin Presbytery-a Thlarau lam thupui hi kan bialtu Pastor, Pastor R.Ramhnginglova’n Inrinni zan khan ngaihnawm takin a sawi a, kan Bial Zaipawl-te Zirtawp zanah thiam, takin an zai a, kan kohhran zaipawl-te pawh Pathianni zan khan thiam tak bawkin an zai a ni.
Treasurer Report
(Presbytery Sum)
Hmuh zawng zawng :- Rs. 31,064:00
Hman zawng zawng :- Rs. 19,747:00
Hman bang :- Rs. 11,317:00
Kum 2008 Presbytery Budget Estimate:-
Hmuh beisei :- Rs. 39,317:00
(Synod leh tualchhung sum)
Pathianram :- Rs. 247,91,545:00
Tualchhung sum :- Rs. 125,60,891:00
Ramthar :- Rs. 70,15,527:00
Buhfaitham :- Rs. 29,63,435:00
Sunday School :- Rs. 1,06,941:00
Statistician Report
Pastor Bial vawng zat :- 5
Minister Bial vawng lo zat :- 38
Pasor/Rev zawng zawng zat :- 43
Pro Pastor zat :- 1
Kohhran Upa zat :- 123
Kohhran Member zat :- 23,789
Mipa zawng zawng zat :- 11,754
Hmeichhia zawng zawng zat :- 12,035
Dan zawhkim zat :- 16,288
Chhinchhiah tlak zual te
1) Nikum aiin naupiang zat 4 in kan tlem a, chhungkaw 13 zelah naupiang pakhat zel awm ang kan ni.
2) Nikum aiin Dan zawhkim thar 38-in kan tlem.
3) Nikum aiin pawl danga tanga lo pakai 136 in kan tlem.
Kum 2008 Presbytery
A hun :- Dt.9-12 October 2007
A hmun :- Leitan South Kohhran
Thupui :- “Beiseina nung” I Pet.1:3
Moderator :- Upa C.Lalbiakthanga Bawngkawn
Secretary (Sr) :- Upa H.Zoliana, Durtlang Vengthar
Secretary (Jr) :- Upa Lalbiakliana, Zemabawk
Statistician :- Upa K.Lalchungnunga, Zuangtui
Treasurer :- Upa Vanlalthanga Leitan ‘S’